آه .. يا .. اسكندرية
Posted on by الكاتبة الأديبة الدكتورة مرفت محرم ـ عضو اتحاد كتاب مصر
آه .. يا .. اسكندرية
راجعة لبلدى الغالية.. راجعة لبحرك تانى
سمكة و راجعة لموجى .. أصل البحر مكانى
ما انتى زمانى
و انتى أمانى
و انتى فى كل الدنيا
مكانى
حتى و انتى فى حضنى يا غالية
برضه ح أقول إنك واحشانى
●●
فوق الرملة الغالية .. ح ابنى قصور و مبانى
مهما الموجة القاسية .. راح تهدم بنيانى
ح ارجع و ابنى قصورى.. تانى .. و تانى .. و تانى
مهما كبرت ما ح انسى .. صوت الموج فى ودانى
●●
فيكى الشوق .. حنية
مشي فى بحرك غية
ما انتى يا شابة يا فاردة جناحك
علمتينا نكون .. ملاغية
فينا جمالك
فينا دلالك
فينا الآه حلوة
فى موالك
حتى قوامك . هوا قوامنا
زى ما قالوا الناس غزلانى
واللى بيبعد عنك تايه
لجل يفوق يرجع لك تانى
مدد يا ست الأوليا
يا ام المدن ألف و ميه
يا ام المرس
و آية الكرسى
و ابن عطاء الله بيرسّى
جوا القلوبنا اللهفانة
سحر الآية
موجك يدّن جوا و داننا
و احنا نصلى
للى رازقنا فيكى ... تمللى
دا احنا برغم الحسن بنركع
للى خالقنا و خالقك نخشع
د انتى حبيبة
و انتى تقية
و انتى و موجك جوا ودانى
لو غفّلت .. ألقاه .. صحانى
...........................آه يا اسكندرية
ـ نُشرت هذه القصيدة فى موقع دنيا الرأى رابط :
