ليه ياخوانا
Posted on by الكاتبة الأديبة الدكتورة مرفت محرم ـ عضو اتحاد كتاب مصر
ليه ياخوانا
ليه ياخوانا فى شهر التقوى .. و شهر الصوم
تليفزيونا الغالى علىَّ مالى الدنيا علينا هموم
اللى تصوت .. واللى تعيط
و اللى يوماتى تشق هدوم
يعنى خلاص صبحت أيامنا
هم و غم فى شهر الصوم
حذر فذر فى الفوازير
فين الأُلة و فين الزير
وازاى واحد ملهوش شغلة يصبح فى المخاليق بنكير
ٳسأل سوسو و اسأل لولو
و اسأل عبده بن المخزنجى كام الأجر فى أى دور
و اوعك بس تموت من الخضة
لما يقول .. مليون و كسور
و اسأل واحدة فى ٳيدها الحلة واقفة بتعمل لحمة بانيه
حاطّة قصادها وزة و بامية و لسة حتحشى البط بٳيه
عارفة يا ست الحاجة يا هانم الطبخة دى تكلف ٳيه
رمضان سامح و لا تزعلش ولا ترفعش بلانا لفوق
احنا مناظر مايغركش دا ٳحنا يادوب نلحس و ندوق
و أنت كريم اوعاك تفضحنا ده أنت البركة و أنت الذوق
