آه م المطب
Posted on by الكاتبة الأديبة الدكتورة مرفت محرم ـ عضو اتحاد كتاب مصر
آه م المطب
جرس الحصة.. ضرب.. ضرب
ولستاذ خد بعضه و هرب
ماهو علمه أصبح بالفلوس
تدفعها تدخل فى الدروس
و سعادته حتى بدون سبب
بقى زى منشار الخشب
طالع يقص
نازل يرص
و كأنه مهبول و انجذب
عاوز دروس.. قدم طلب
و ادفع فلوس.. تاخد أدب
ونا جيبى فاضى و حاعمل ايه
أدينى طبيت فى المطب
و العلم بينادى البشر
لما أمشى قولوا دا ٳنتحر
أنا كنت جاى لجل العقول
تبقى ماهياش من حجر
لكن لقيت أهل العلوم
عملوه وجاهه و مفتخر
طب و الفقير لو معاهوش
لوهوا عادى و معتبر
راح يترمى وسط الطريق زى الهاموش
ويا البهايم و البقر
أنا علم ساكن فى النفوس
و ع الدنيا دايما بدوس
مفهومى آه لو تعرفوه
عمر الفلوس عمر الغنى
مابيعملوش أبدًا بشر
آه كده عديت م المطب
