خطرات
Posted on by الكاتبة الأديبة الدكتورة مرفت محرم ـ عضو اتحاد كتاب مصر
خطرات
سعد ابن بدرية ٳنجذب
عمّال بيمسح فى العلب
و ريالته نازلة مدلدلة و بيركب العود الحطب
حتى النساوى فى كفرنا بتحب ٳيده و الركب
بيغدوا فيه و يعشوا فيه و يحطوا فى جيوبه الرطب
ماهى الناس بتكسب م الهبل و ناس مجوعها الأدب
••
غطينى و صوتى.. ٳن سألوا عنى قولى مات
و ٳن قالوا ٳمتى عيطى و قوليلهم الشهر اللى فات
راح يسألوكِ ليه كده سايباه ينتن قولى لأ..
عشت الفقير هى النتن و يوم ما يطهر يبقى مات
••
له فى الخلايق قدرته
و فى الشدايد حكمته
ولا حد فى الناس كلها له نظرة تسبق نظرته...
يا ذا الجلال السرمدى يبدأ و أنت المبتدى
أنا زى خلقك كلها طالب رضاك رافع يدى
••
أنا كلى كلى صنعتك
واللى فى سرى خطرتك
و معايا ٳيه أو فيّا ٳيه ما أنت اللى عارف حضرتك
