المصرى
Posted on by الكاتبة الأديبة الدكتورة مرفت محرم ـ عضو اتحاد كتاب مصر
المصرى
أنا المصرى خفيف الظل.. لونى و شكلى فيهم سر
أما خيالى و روحى و حالى .. عزم و نكتة تزِح المر
●●
قال أيوب المصرى زمان .. دوق للعلقم تبقى صبور
عطرك أصلى و صبرك فصلى .. و انته بعزم الله منصور
حتى المر إنْ داقه المصرى.. تطرح كل مرارته زهور
●●
نهر النيل كاتب فى كتابه.. إنْ المصرى بطل و جسور
و الأهرام قالت للدنيا.. إنْ تاريخه مجد و نور
أرض المصرى جناين خضرة.. ع المحتل بتبقى قبور
