خيال مصراوى
Posted on by الكاتبة الأديبة الدكتورة مرفت محرم ـ عضو اتحاد كتاب مصر
خيال مصراوى
بفرض. و أسأل.. لو نملاية. عطست مرة
ح يحصل ايه
أو برغوتة من براغيتها
زكمت حبة من غير ليه
أو دبانة... سخنت.. يعنى
يحصل ايه و يقولوا ايه؟؟
دنيا تقوم.. ماتقعدش
كله بيرغى... فى ٳيه و ٳيه
و الأخبار.. ويّا الأهرام
بص يا صاحبى كتبتم ٳيه
بلوة جديدة
و عدوى جديدة
دى منشورة فى جورنال ٳيه
نملة و عطست.. جالها زكام
استر يا ربى يا لطيف ليه
والتليفزيون قال فى برامجه
ديّه كارثة يا سيدنا البيه
الزم بيتك..
حظر تجول
اوعك تنعس..
يا مغيث ليه...
حتى رئيس الوزرا بذاته
هز الأمر و أ ُغمى عليه
نَص قراره
لموا النمل مع البراغيت
قالوا أ ُوك
بس النمل و البراغيت
هربوا و طفشوا منّا يا بيه
و المخاليق جوّه المحرسة
قاعدة تحكى ع النمل يا بيه
هوّه خيال مصراوى يا فندم
قوللى يا سيدنا ح نعمل ٳيه
